ಏತ್ ಪೊರ್ಲು ತೋಜುವರಮ್ಮ
ತೂಪಿನೆನ್ನ ಪುಣ್ಯಾ.. ||ಏತ್||
ಪೆದ್ದಿ ಅಪ್ಪೆನೆ ಈರೆ ಪಂಡ್ದ್
ಅರಾದ್ ಪತ್ತೆರೆ ಆಸೆ ಎನ್ನ
||ಏತ್ ಪೊರ್ಲು||
ಏತ್ ಜನ್ಮೊದ ಎಡ್ಡೆಂತಿ ಫಲೊನ
ಇರೆನ್ ತೂಪಿನೊಂಜಿ
ಇರೆನ ಎದುರುಡೆ ಇಂಚ ಕುಲ್ಲೆರೆ
ಬಾಲೆ ಆದ್ ಒಂಜಿ
||ಏತ್ ಜನ್ಮೊದ||
 |
| ಏತ್ ಪೊರ್ಲು ತೋಜುವರಮ್ಮ |
ಇರೆನ ಮೋನೆನೆ ತೂವೊಂದು ಕುಲ್ಲುನ
ಆಸೆ ಎಂಕ್ ಒಂಜಿ
ದೂರ ಮಲ್ಪಡೆ ಎನನ್ ಈರ್
ಪಾದದ ಅಡಿಟ್ ಕುಲ್ಲುವೆಯಮ್ಮ
||ಏತ್ ಪೊರ್ಲು||
ಮಳ್ಳಿಗೆ ಅರಳುನ ಮುಗುರು ತೆಲಿಕೆನೆ
ಬಂಜಿನ್ ಜಿಂಜಾವುಂಡು
ಪುಣ್ಣಮೆ ಚಂದ್ರೊನ ಬೊಲ್ಪುದ ಮೋನೆ
ಭಕ್ತಿನ್ ಉರ್ಕಾವುಂಡೂ
||ಮಳ್ಳಿಗೆ||
ಕಡಪುಡಡೆ ಪಿರ ಈರ್ ಎನನ್ ಅಂಚಿ
ಬುಲಿಪುವೆ ತೂಲೆಪಗಾ
ಪುರೆಳುವೆ ಮೂಲೆ ಇರೆನ ಕಾರ್ದಡಿ
ಪೊವಯೆ ಮುಲ್ತು ಇರೆನ್ ಬುಡ್ದು ಯಾನ್
||ಏತ್ ಪೊರ್ಲು||
ಮನಿಪಂದೆ ಕುಲ್ಲುವೆ ಪಾತೆರುಜ್ಯಾನ್
ತೂಪಿನಿ ಮಾತ್ರ ಇರೆನ್
ನೆರೆಡೆ ಈರ್ ಎಂಕ್ ,ಕೋಪ ಮಲ್ಪಡೆ
ಪಾಪದಾಲ್ ಯಾನ್
||ನೆರೆಡೆ||
ಇರೆನ್ ನಂಬಿನ ಬಾಲೆ ಯಾನ್
ಗತಿಯೇ ಈರಮ್ಮ ||ಇರೆನ್||
ಇರೆನ ಕರುಣೆ ಒಂಜಿ ತಿಕ್ಕ್ಂಡ ಯಾವು
ಬೇತೆ ದಾಲ ಬೊರ್ಚಿ ಅಮ್ಮಾ
||ಏತ್ ಪೊರ್ಲು||
